Dastlab viloyat Maktabgacha va maktab ta’limi boshqarmasi  uslubchisi D.Tilavova, tuman bo‘limi mas’ul xodimi S.Budyonovlar tomonidan “Xavfsiz va ravon yo‘l” umummilliy dasturining maqsad va vazifalari, yo‘l harakati qoidalarini o‘rgatish maydonchalaridan foydalanish bo‘yicha to‘liq ma’lumot berildi.

      Navbahor tuman IIB YHXB inspektorlari T. Hazratov, A.Akramovlar yo‘llarda harakat xavfsizligiga rioya etish bo‘yicha tushunchalar berdi.

    Shuningdek, ushbu maktabgacha ta’lim tashkiloti tayyolrov guruhi tarbiyalanuvchilari ishtirokida “Xavfsiz va ravon yo‘l” mavzusida ochiq mashg‘ulot o‘tkazildi. Mashg‘ulot davomida yo‘l belgilari, piyodaning majburiyati kabi mavzular bo‘yicha bolajonlarga ma’lumotlar berildi. Bundan tashqari, turli o‘yinlar orqali ularning bilimlari yanada mustahkamlandi.

    Tarbiyachi N.Halilova tashabbusi bilan tashkil etilgan ochiq mashg‘ulotning asosiy mavzusi ham bolalar xavfsizligiga qaratilib, tarbiyalanuvchilar tomonidan yo‘l harakati belgilari, yo‘l qoidalari, svetafor chiroqlari va ularning ahamiyati bo‘yicha sahna ko‘rinishi namoyish etilib, she’r, qo‘shiq va topishmoqlar aytildi.

   Bolajonlarning harakat xavfsizligi bo‘yicha mustaqil bilimga ega bo‘lishlari va bu ko‘nikmalardan unumli foydalanishni o‘rgatish maqsadida tashkil etilgan ochiq mashg‘ulotlar ishtirokchilarda katta taassurot qoldirdi.

  Tadbir so‘ngida tarbiyalanuvchilar esdalik sovg‘alari bilan taqdirlandi.

Navoiy viloyati Maktabgacha va maktab ta’limi boshqarmasi matbuot xizmati.