Xalqaro ta’lim bo‘yicha Amerika kengashlarining O‘zbekistondagi filiali tomonidan ta’lim dastur asosida o‘qituvchilar uchun “English speaking nation: English Summer Excellence Training Program” dasturi doirasida trening o‘tkazish maqsadida 8 nafar amerikalik ingliz tili trenerlari Navoiy viloyatiga tashrib buyurdi.

   Ularni viloyat Maktabgacha va maktab ta’limi boshqarmasi mutasaddilari, Navoiy shahar Maktabgacha va maktab ta’limi bo‘limi mas’ullari va jamoatchilik vakillari kutib oldi.

   Trenerlar Navoiy shahridagi 16-, Zarafshon shahridagi 1-maktablarida 19-iyundan 8-iyulgacha viloyatning 104 nafar ingliz tili fani o‘qituvchilariga muammoli darslardan unumli foydalanish, ilg‘or metodikalarni qo‘llash orqali o‘quvchilarning fikrlash doirasi, dunyoqarashini kengaytirish usullari o‘rgatiladi.

   Ta’lim sohasida qilinayotgan har bir islohot yosh avlodni qo‘llab-quvvatlash, bilimlarini mustahkamlashga xizmat qiladi.

Navoiy viloyati Maktabgacha va maktab ta’limi boshqarmasi matbuot xizmati.