Tadbirda tumani hokimi A.O'roqov va sektorlar rahbarlari, umumta'lim maktablar direktorlari va ota-onalar ishtirok etishdi.

   Shuningdek,qalbida yoshlik shijoati bilan  baland cho'qqilarni zabt etishni maqsad qilgan bir guruh 2022-2023-o'quv yilini namunali va a'lo baholarga tugatgan bitiruvchi o'quvchilar, o'tgan o'quv yili davomida o'zining hunari ortidan daromad topib, tengdoshlariga o‘rnak o'quvchilar jam bo'lishdi.

   Tuman hokimi A.O'roqov so'zga chiqib, ushbu o'quv yilini bitirayotgan 1072 nafar bitiruvchilarni qutladi hamda mustaqil hayot ostonasida turgan bitiruvchilarga omad tiladi.

    Tadbir davomida 37 nafar oltin va 5 nafar kumush medallariga sazovor bo‘lgan bitiruvchi yoshlarga medallar va qimmatbaho sovg‘alar topshirildi. Bundan tashqari, xalqaro va respublika fan olimpiadalarida faxrli o‘rinlarni egallagan o‘quvchilar ham munosib taqdirlandi.

    Shu o‘rinda ta’kidlash joizki, 40 dan ortiq o‘quvchilar muddatdan oldin oliy o‘quv yurti talabasi bo‘lib baxtiga muyassar bo‘lishdi. Bitiruvchilarning 51 nafari milliy va xalqaro sertifikatlarni qo‘lga kiritdi.

   -Menga bildirilgan ishonchni albatta oqlayman va tumanimizga nafi tegadigan inson bo'lishga va'da beraman, - deydi 1-umumta'lim maktabi bitiruvchisi, oltin medal sohibasi Ruxshona Fayziyeva.

  –6-yildan buyon asalarichilik bilan shug‘ullanib kelaman va yiliga 100 million so'mdan ortiq daromadga egaman. 20 nafardan ortiq shogirdlarim bugungi kinda o'zlari mustaqil daromad topishmoqda. Davlatimiz rahbari tomononidan yoshlarga berilayotgan e'tibor va g‘amxo‘rlik bizni yanada olg‘a intilishga chorlamoqda, – deydi 16 yoshli o‘quvchi, tadbirkor Sarvar Andaqulov.

  Shuningdek, joriy yilda asosiy fan olimpiadasining respublika bosqichida 34-maktab bitiruvchisi Tog‘aev Doston geografiya fanidan faxrli 1-o‘rinni, 15-maktab bitiruvchisi Ismoilova Dilorom biologiya fanidan faxrli 3-o‘rinni egallab, ota-onalari, ustozlarining ishonchini oqlashdi.

  2023 yilning 30-31 may kunlari Toshkent shahrida o‘tkazilgan Al-Xorazmiy xalqaro olimpiadasida 21-umumta’lim maktabining 8-sinf o‘quvchisi Quchqorov Shahzod matematika fanidan faxrli 3-o‘rinni egallab, bronza medalini qo‘lga kiritdi.

  Ochiq muloqot tarzida bo'lib o'tgan uchrashuvda bitiruvchilar o'zlarini qiziqtirgan savollariga javob olishdi.

Navoiy viloyati Maktabgacha va maktab ta’limi boshqarmasi matbuot xizmati.