Yangiliklar
Navoiy shahrida “Yangi nafas” ommaviy yugurish musobaqasi bo'lib o'tdi
25-iyun 2023-yil
Joriy yilning 25-iyun kuni Navoiy shahrida "23-iyun - Xalqaro Olimpiya kuni" hamda "30-iyun - Yoshlar kuni" munosabati bilan 3 km masofaga ommaviy yugurish musobaqasi bo'lib o'tdi. Respublikamizning 16 ta shahri “Bir vatanda, bir vaqtda, bir masofaga, bir maqsadda – birga yuguramiz!” yagona shiori ostida birlashdi.
Ushbu ommaviy yugurish musobaqasida Navoiy shahrida 5000 nafarga yaqin odam ishtirok etdi. Navoiy viloyati Maktabgacha va maktab ta’limi boshqarmasi xodimlari, umumta’lim maktablari direktorlari, o'quvchilar ham faol qatnashdi.
Tadbir so‘nggida g‘oliblarga diplom, medal va qimmatbaho sovg‘alar topshirildi.
Navoiy viloyati Maktabgacha va maktab ta’limi boshqarmasi matbuot xizmati.
