Yangiliklar
SHAXMAT KUNLARI
27-iyun 2023-yil
O‘zbekiston Respublikasi Prezidentining 2021-yil 14-yanvardagi “Shaxmatni yanada rivojlantirish va ommaviylashtirish hamda shaxmatchilarni tayyorlash tizimini takomillashtirish chora-tadbirlari to‘g‘risida”gi qarori ijrosini ta’minlash maqsadida maktabgacha ta’lim tashkilotlari tarbiyalanuvchilari o‘rtasida “Shaxmat kunlari”ni o‘tkazilmoqda.
Ayni kunlarda joylarda musobaqaning tuman va shahar bosqichlari qizg‘in davom etmoqda.
“Shaxmat kunlari”ning Uchquduq tuman tuman bosqichida 9 ta maktabgacha ta’lim tashkilotlari tarbiyalanuvchilari ishtirokida bo‘lib o‘tdi. Yakuniy natijalarga ko‘ra, 5-davlat MTT tarbiyalanuvchisi I.Maxmudov I darajali, 13-davlat MTT tarbiyalanuvchisi Z.Valijonova II darajali, 14-davlat MTT tarbiyalanuvchisi A.Abdushukurov III-darajali diplomlar bilan taqdirlandi.
Navbahor tuman bosqichi ham qizg‘in bahslarga boy bo‘ldi. Musobaqa nizom talablari asosida tashkil etildi.
O‘g‘il bolalar orasidan “Aqlli bolalar” oilaviy nodavlat MTT tarbiyalanuvchisi B. Erkinov 1-o‘rin, 7-davlat MTT tarbiyalanuvchisi D. Fayzullayev 2-o‘rin, 12-davlat MTT tarbiyalanuvchisi A. Sanaqulov 3-o‘rin deb topildi.
Qiz bolalar orasidan 12-davlat MTT tarbiyalanuvchisi S. Muhammadova 1-o‘rin, 1-davlat MTT tarbiyalanuvchisi Sh. Norimova 2-o‘rin, 16-davlat MTT tarbiyalanuvchisi M. Nabiqulova 3-o‘rinni qo‘lga kiritdi.
Shuningdek, tuman Maktabgacha va maktab ta’limi bo‘limi xodimlari o‘rtasida ham shaxmat musobaqasi o‘tkazilib, g‘oliblar diplom va esdalik sovg‘alar bilan taqdirlandi.
Navoiy viloyati Maktabgacha va maktab ta’limi boshqarmasi matbuot xizmati.
