Yangiliklar
Informatika va axborot texnologiyalari fani o‘qituvchilarining malakasi oshirilmoqda
29-avgust 2023-yil
Maktabgacha va maktab ta'limi vazirligi AQSH xalqaro taraqqiyot agentligi (USAID) va RTI international tadqiqot instituti bilan hamkorlikda “O‘zbekiston barkamollik uchun ta’lim dasturi” (UEEP) loyihasi doirasida “Informatika va axborot texnologiyalari” (5-11-sinflar) fanidan o‘quv-metodik qo‘llanmalar tayyorlangan. Mazkur o‘quv-metodik qo‘llanmalar 2023-2024-o‘quv yilidan boshlab umumta’lim maktablarida joriy etiladi.
Navoiy viloyati Pedagoglarni yangi metodikalarga oʻrgatish milliy markazida ushbu o‘quv-metodik majmualardan foydalanish bo‘yicha informatika va axborot texnologiyalari fani o‘qituvchilari uchun trening tashkil etildi.
Seminar-trening mashgʻulotlari respulika bosqichida faol qatnashib kelgan malakali trenerlar tomonidan qiziqarli va zamonaviy metodlar asosida olib borilmoqda.
Ma'lumot uchun, treninglar 30-avgust kunigacha davom etishi rejalashtirilgan.
Navoiy viloyati Maktabgacha va maktab ta’limi boshqarmasi matbuot xizmati.
