Samimiy ruhda kechgan muloqotda tadbirkor o‘z o‘quvchilik davridan boshlab to bugunga qadar bosib o‘tgan hayot yo‘li, tadbirkorlikda erishgan yutuqlari bilan bir qatorda duch kelgan muammolarigacha o‘quvchi-yoshlarga hikoya qilib berdi.

   Navoiy shahrida faoliyat olib boradigan mazkur MCHJda bugungi kunda mashinasozlik va tog‘-kon sanoatida ishlatiladigan 100dan ziyod import o‘rnini bosuvchi butlovchi mahsulotlar ishlab chiqariladi. Ayni vaqtda korxonada 200 nafar mutaxassis faoliyat olib bormoqda.

  Uchrashuv davomida o‘quvchilar o‘zlarini qiziqtirgan barcha savollarga I. Fayziyevdan javoblar olishdi.

    Shuningdek, tadbirkor ta’lim dargohida o‘quvchilarni kasbga yo‘naltirish, bo‘sh vaqtini mazmunli tashkil etish bo‘yicha amalga oshirilgan ishlar bilan yaqindan tanishib, kerakli tavsiyalarni berdi.

Navoiy viloyati Maktabgacha va maktab ta’limi boshqarmasi matbuot xizmati.