Tadbirda Navoiy viloyati hokimi N.Tursunov, “NKMK” AJ boshqaruvi raisi – bosh direktori Q.Sanaqulov, Ixtisoslashtirilgan taʼlim muassasalari agentligi direktori A.Ubbiyev, nuroniylar, keng jamoatchilik va ommaviy axborot vositalari vakillari ishtirok etishdi.

   Mazkur zamonaviy 504 o‘rinli ixtisoslashtirilgan maktab-internati yettita blok va uch qavatdan iborat bo‘lib, o‘quvchilar taʼlim olishi uchun barcha sharoitlar yaratilgan. Taʼlim muassasasi zamonaviy o‘quv xonalari va kompyuter jihozlari bilan taʼminlangan. Maktabda har bir fan uchun maxsus o‘quv sharoitlari yaratilgan bo‘lib, eng zamonaviy texnologiyalar bilan jihozlangan.

   Bu taʼlim dargohiga 5-11 sinfgacha bo‘lgan eng bilimli 301 nafar o‘g‘il-qiz sinovlardan muvaffaqiyatli o‘tib, o‘qishga qabul qilindi. Yangi taʼlim muassasasida ishlash uchun 25 nafar malakali o‘qituvchilar uch bosqichli tanlov asosida ishga qabul qilindi.

Navoiy viloyati Maktabgacha va maktab ta’limi boshqarmasi matbuot xizmati.