Yangiliklar
NAVBAHOR TUMANIDAGI TA’LIM MUASSASALARIDA HAM YANGI O‘QUV YILI BOSHLANDI
4-sentabr 2023-yil
Tumandagi 1-umumta’lim maktabida 1254 nafar o‘quvchi tahsil oladi. Ularga 104 nafar mutaxassis o‘qituvchilar ta’lim-tarbiya bermoqda. Ta’lim maskanida yangi o‘quv yili boshlanishi munosabati bilan tantanali tadbir bo‘lib o‘tdi.
Unda tuman hokimi A.O‘roqov so‘zga chiqib, barchani mustaqilligimizning o‘ttiz ikki yilligi hamda boshlanayotgan yangi o‘quv yili bilan qutladi.
Tuman rahbari maktab ostonasiga ilk bor qadam qo‘yayotgan 148 nafar jajji o‘g‘il-qizlarga va maktabning 11-sinf o‘quvchilariga turli xildagi kitoblarni esdalik sovg‘asi sifatida topshirdi.
"Mustaqillik darsi"da tuman rahbari o'quvchilar bilan istiqlol davrida bunyodkorlik, yoshlar uchun yaratilayotgan shart-sharoitlar haqida suhbatlashdi.
Navoiy viloyati Maktabgacha va maktab ta'limi boshqarmasi matbuot xizmati.
