O‘qituvchilik – dunyodagi eng e’zozli, ehtirom va e’tiborga loyiq, qalblarga yaxshilik, ezgulik, komillik olib kiruvchi muborak kasbdir. Ustozlarimiz yoshlarga ilm, bilim berish bilan bir qatorda barkamollik sari yetaklaydi.

    Ushbu qutlug‘ ayyomda siz, zahmatkash ustozlarga ko‘nglimizda, yuragimizda bo‘lgan yuksak hurmat-ehtirom va ezgu tilaklarni so‘z bilan to‘liq ifoda etish qiyin, albatta. Yurtboshimiz tabiri aytganda “Sizlar dunyodagi eng bebaho boylik va boqiy merosni yaratish, uni xalqimizga, unib-o‘sib kelayotgan yosh avlodimizga bezavol yetkazish yo‘lida chinakam fidoyilik ko‘rsatib mehnat qilayotgan ulug‘ insonlarsiz”. 

    Shu bois bugun sizlarning sha’ningizga bildirayotgan istaklarim, ta’zim va tashakkurlarimni cheksiz hurmat va ehtiromim ramzi sifatida qabul etgaysiz.

    Siz, azizlarni qutlug‘ bayramingiz bilan yana bir bor tabriklab, barchangizga sihat-salomatlik, baxtu saodat, ezgu faoliyatingizda ulkan muvaffaqiyatlar, xonadonlaringizga fayzu baraka tilayman.

    Hamisha sog‘-omon bo‘ling, muhtaram ustozlar!

R.Hayitova, 

Navoiy viloyati Maktabgacha va maktab ta’limi boshqarmasi boshlig‘i.