Yangiliklar
YUKSAK MUKOFOTLAR MUBORAK BO‘LSIN!
30-sentabr 2023-yil
Prezidentimizning “O‘qituvchi va murabbiylar kuni munosabati bilan ta’lim-tarbiya tizimida alohida o‘rnak ko‘rsatgan xodimlardan bir guruhini mukofotlash to‘g‘risida”gi farmoniga asosan bir guruh navoiylik pedagoglarimiz davlatimizning yuksak mukofotlari bilan taqdirlandilar. Mukofotni viloyat hokimi Normat Tursunov topshirdi.
Xususan,
Karmana tumanidagi 21-umumiy o‘rta ta’lim maktabining kimyo fani o‘qituvchisi Achilov Do‘smurot Toshmurotovich “O‘zbekiston Respublikasi xalq o‘qituvchisi” faxriy unvoni,
Tomdi tumanidagi 15-umumiy o‘rta ta’lim maktabining boshlang‘ich sinf o‘qituvchisi Yerejepova Aliya Nurberdiyevna “Do‘stlik” ordeni,
Navoiy shahridagi 8-ixtisoslashtirilgan umumiy o‘rta ta’lim maktabining boshlang‘ich sinf o‘qituvchisi Nushbakova Karomat Normurodovna II darajali “Sog‘lom avlod uchun” ordeni,
Nurota tumanidagi 36-umumiy o‘rta ta’lim maktabining fizika fani o‘qituvchisi Temirova Gulnoza Nematovna II darajali “Sog‘lom avlod uchun” ordeni,
Zarafshon shahridagi 3-ixtisoslashtirilgan umumiy o‘rta ta’lim maktabining rus tili va adabiyoti fani o‘qituvchisi Buryak Yelena Vladimirovna “Shuhrat” medali,
Navoiy shahridagi Prezident maktabining ingliz tili fani o‘qituvchisi Qaxorova Shahnoza Sunnatillayevna “Shuhrat” medali bilan taqdirlandi.
Navoiy viloyati Maktabgacha va maktab ta'limi boshqarmasi matbuot xizmati.
