Tadbir 5-maktabning boshlang‘ich sinflarda olib borilayotgan ishlar, ijodiy ko‘rgazmalar, o‘quvchilarning badiiy-musiqiy chiqishlari bilan boshlandi.

    Seminarni Navoiy shahar Maktabgacha va maktab ta’limi bo‘limi boshlig‘i Sh.Xamidova ochib berdi. Shuningdek, boshlang‘ich ta’limdagi yangiliklar, yangi avlod darsliklari to‘g‘risida ma’lumotlar, zamonaviy darslarni tashkil etishdagi innovatsion texnologiyalardan foydalanish kabi mavzularda Navoiy viloyati MMTB shoʻba rahbari D.Imomova, Navoiy viloyati pedagoglarni yangi metodikalarga o‘rgatish milliy markazi direktor o‘rinbosari A.Po‘latov, boshqarma metodisti Sh.Raxmonovalar so‘zga chiqdi.

   Zarafshon shahar 1-maktabning tajribali boshlang‘ich sinf o‘qituvchisi S.Stepanova hamda Navoiy viloyati pedagoglarni yangi metodikalarga o‘rgatish milliy markazi dotsenti P.Djurayevalar boshlang‘ich sinflarda yangi avlod darsliklarini amaliyotga joriy etishdagi fikr-mulohazalarini bildirishdi.

   Shuningdek, ishtirokchilar uchun turli yo'nalishlarda shoʻbalarda tashkil etildi.

Navoiy viloyati Maktabgacha va maktab ta’limi boshqarmasi matbuot xizmati.