Yangiliklar
“YILNING ENG YAXSHI O‘ZBEK TILI O‘QITUVCHISI” KO‘RIK-TANLOVINING VILOYAT BOSQICHI BO‘LIB O‘TDI
10-oktabr 2023-yil
O‘zbekiston Respublikasi Maktabgacha va maktab ta’limi vazirligi hamda O‘zbekiston kasaba uyushmalari Federatsiyasi tomonidan “Har bir kun bu imkoniyat, har bir kun bu kelajak uchun poydevor” shiori ostida umumiy o‘rta ta’lim maktablarida faoliyat yuritayotgan o‘qituvchilarning ta’lim sifatini oshirishga qaratilgan innovatsion gֲ‘oyalarini qo‘llab quvvatlash maqsadida ona tili va o‘zbek tili fani o‘qituvchilari o‘rtasida “Yilning eng yaxshi o‘zbek tili o‘qituvchisi” respublika tanlovining viloyat bosqichi Navoiy shahridagi “Yoshlar markazi”da o‘tkazildi.
Tanlovda 15 nafar ona tili va o‘zbek tili fani o‘qituvchilari ishtirok etdi. Hakamlar hay’ati a’zolarining xulosasiga ko‘ra, Zarafshon shahar 3-maktabning ona tili o‘qituvchisi Jo‘rayeva Xolida, Tomdi tumani 9-maktabi o‘zbek tili o‘qituvchisi Kanatbayeva Akmerey faxrli birinchi o‘rinni egalladi.
Tanlovda yo‘nalishlar bo‘yicha 1-,2-,3-o‘rinlarni egallagan 6 nafar o‘qituvchilarga O‘zbekiston Kasaba uyushmalari Navoiy viloyat kengashi hamda Maktabgacha va maktab ta’limi boshqarmasining qimmatbaho sovg‘alari va diplomlari bilan taqdirlandi.
Navoiy viloyati Maktabgacha va maktab ta’limi boshqarmasi matbuot xizmati.
