Mahalladagi jami 3-7 yoshli bolalar soni 224 nafarni tashkil etadi. Shundan 43 nafari maktabgacha ta’lim bilan qamrab olingan.

      Davlatimiz rahbarining 2021-yil 10-iyundagi “Qamrov darajasi past bo‘lgan tumanlarda maktabgacha ta’lim tashkilotlari tarmog‘ini kengaytirish bo‘yicha qo‘shimcha chora-tadbirlari to‘g‘risida”gi qarori ijrosini ta’minlash maqsadida, tadbirkor Sharopov Komil tashabbusi bilan quvvati 120 o‘rinli “Kichkintoy va shirintoylar” nodavlat MTT faoliyati yo‘lga qo‘yildi.

   3 milliard 065 million so‘m mablag‘ evaziga qurib bitkazilgan ushbu tashkilotda bolajonlarning sifatli ta’lim-tarbiya olishlari, sog‘lom ulg‘ayishlari uchun barcha qulayliklar yaratilgan. Rus, ingliz tillari, mental arifmetika, shaxmat, gimnastika, logoped va rasm to‘garaklari tashkil etilgan.

Navoiy viloyati Maktabgacha va maktab ta’limi boshqarmasi matbuot xizmati.