Yangiliklar
Ona tilim-millat ko‘zgusi
17-oktabr 2023-yil
O‘zbek tiliga davlat tili maqomi berilganligining 34 yilligi munosabati bilan Karmana tumanidagi 27-umumta’lim maktabida umumta’lim maktablarining ma’naviy-ma’rifiy ishlar bo‘yicha direktor o‘rinbosarlari ishtirokida ish hujjatlarini o‘zbek tilida to‘g‘ri yuritilishi yuzasidan “Tilimizning jilosi-ma’naviyatimizning yetukligida” mavzusida o‘quv-amaliy seminari tashkil etildi.
Tadbir qatnashchilari mavzu bo‘yicha o‘z fikr-mulohazalarini bildirib tajriba almashishdi.
Shuningdek, “Ona tilim-millat ko‘zgusi” mavzusida ma’naviy-ma’rifiy tadbir va ochiq darslar o‘tkazildi.
Unda maktab o‘quvchilari tomonidan tayyorlangan dastur namoyish etildi. O‘g‘il-qizlar ijro etgan kuy-qo‘shiqlar, ona tilimizni madh etuvchi she’rlar yig‘ilganlarda katta taassurot qoldirdi.
Navoiy viloyati Maktabgacha va maktab ta’limi boshqarmasi matbuot xizmati.
