Yangiliklar
OTALAR MAJLISI
28-oktabr 2023-yil
O‘zbekiston Respublikasi Prezidentining 2023-yil 28-avgustdagi ta’lim sohasi vakillari bilan kengaytirilgan yig‘ilish hamda Navoiy viloyati hokimi N. Tursunovning maktabgacha va maktab ta’limini rivojlantirish va kelgusidagi ustuvor vazifalarga bag‘ishlangan murojaatnomasida belgilangan topshiriq va vazifalar ijrosini ta’minlash maqsadida Zarafshon shahar 10-umumta’lim maktabining faollar zalida “Otalar majlisi” bo‘lib o‘tdi.
Yig‘ilishda maktab direktori X. Tolibov, “Tinchlik” MFY raisi A. Cho‘liyev, mahalla faxriylari va o‘quvchilarning otalari ishtirok etdi.
Uchrashuvda maktab direktori yangi o‘quv yilining ikki oyi davomida amalga oshirilgan ishlar hamda odob-axloq qoidalariga amal qilinishi borasida so‘z yuritdi.
Shuningdek, “Tinchlik” MFY raisi A. Cho‘liyev, mahalla faxriylari Abdulvahob bobo, Mamarasul bobo o‘zlarining yosh avlod ta’lim va tarbiyasi borasida barcha ota-onalar mas’ul ekanligi, farzand tarbiyasiga befarq bo‘lmaslik kerakligi, ularning barkamol, komil inson bo‘lib ulg‘ayishida barcha mas’ul ekanligini ta’kidlashdi.
“Otalar majlisi” davomida viloyat rahbarining maktabgacha va maktab ta’limini rivojlantirish va kelgusidagi ustuvor vazifalarga bag‘ishlangan murojaatnomasi namoyish etildi.
Shunday tadbir 2-umumta’lim maktabida ham tashkil etildi. “Farzandim tarbiyasiga befarq emasman” tashkil etilgan uchrashuvda “Dada sizni yaxshi ko‘raman” rasmlar namoyishi, “Ota-bola shaxmatchilar”, “Ota-bola zakovat o‘yini”, “Ota-bola merganlik bahsi” kabi musobaqalar tashkil etildi.
Navoiy viloyati Maktabgacha va maktab ta’limi boshqarnasi matbuot xizmati.
