Davlatimiz rahbari Shavkat Miromonovich Mirziyoyev “Asosiy maqsad – tibbiyot sohsini chinakamiga xalq dardiga darmon bo‘ladigan, yuqori samara bilan ishlaydigan tizimga aylantirishdan iborat”, deb ko‘p bora ta’kidlaganlar.

   Bemorlarni nafaqat dori-darmon, balki shirin so‘z, qaynoq mehr bilan dardiga darmon, malham bo‘lishga shoshilgan sizdek jonkuyar kasb egalari uchun mana shunday e’zozu ehtiromlar yarashadi.

   Shifokor kasbi sharafli, mehnati esa ulug‘dir! Siz kabi jonkuyar shifokorlar mehnati va harakati bilan insonlarning hayoti asraladi, salomatligi mustahkamlanadi.

   Qadrli tibbiyot xodimlari! Siz azizlarni kasb bayramingiz bilan muborakbod etib, xonadonlaringizga tinchlik-totuvlik, dasturxonlaringizga qut-baraka, el salomatligi yo‘lidagi mashaqqatli faoliyatingizga ulkan zafarlar tilayman.

  Qo‘lingiz dard ko‘rmasin, aziz shifokorlar!

Hurmat bilan,
Ra’no Hayitova, Navoiy viloyati Maktabgacha va maktab ta’limi boshqarmasi boshlig‘i.