Unda olimpiadaning shahar va tuman bosqichlarida g‘oliblikni qo‘lga kiritgan 750 nafarga yaqin 9-11-sinf, Prezident, ixtisoslashtirilgan maktablar va akademik litsey o'quvchilari ishtirok etib, matematika, fizika, informatika, kimyo va biologiya fanlaridan o‘z bilimlarini sinovdan o‘tkazishdi.

  Sinovlar ikki turda, ya’ni yozma ish va test, faqat informatika fanidan dasturlashga oid amaliy topshiriqlar asosida tashkil etildi.

   Sinovlarning shaffof va adolatli o‘tishini ta’minlash maqsadida maxsus telegram kanallari tashkil etilib, o‘qituvchilar, ota-onalar mazkur kanallar orqali o‘quvchilari va farzandlarining ishlarini bevosita kuzatib bordi. Shuningdek, ular uchun sinov jarayonlarini to‘g‘ridan-to‘g‘ri kuzatish imkoniyatlari ham yaratildi.

 Natijalarga ko‘ra, sinflar kesimida jami 45 nafar o‘quvchi 1-3-o‘rinlarni qo‘lga kiritishdi. 1-3-o‘rinni qo‘lga kiritgan 15 nafar 11-sinf o‘quvchilari fan olimpiadasining respublika bosqichida ishtirok etish huquqini qo‘lga kiritdi.

  Bugun, 10-noyabr kuni g‘oliblarni tantanali taqdirlash marosimi bo‘lib o‘tdi.

  Fan olimpiadasining viloyat bosqichida 1-3-o‘rinlarni qo‘lga kiritgan o‘quvchilarga diplom hamda pul mukofotlari topshirildi.

Navoiy viloyati Maktabgacha va maktab ta’limi boshqarmasi matbuot xizmati.