Yangiliklar
O'ZBEKISTON - BAG'RIKENG DIYOR
18-noyabr 2023-yil
Zarafshon shahar 10-umumta’lim maktabida “O‘zbekiston Respublikasi Davlat bayrog‘i to‘g‘risida”gi Qonun qabul qilinganligining 32 yilligi hamda “Xalqaro bag‘rikenglik haftaligi” munosabati bilan “Bayrog‘im – g‘ururim iftixorim” hamda “O‘zbekiston bag‘rikeng davlat” shiori ostida “Ma’naviyat festivali” o‘tkazildi.
Tadbirda shahar IIB ijtimoiy profilaktika katta inspektori, 3-sektor mas’ul xodimi J. Usmonov, shahar ma’naviyat va ma’rifat bo‘limi rahbari D. Baxranova, shahar maktabgacha va maktab ta’limi bo‘limining ma’naviyat va ma’rifat ishlari bo‘yicha rahbari F. Po‘latova, Zarafshon 99550-sonli harbiy qism harbiylari, “Tinchlik” MFY faollari, “Oltin vodiy” gazetasi jamoasi va boshqa ommaviy axborot vositalari xodimlari ishtirok etdi.
Festival doirasida mehmonlar o‘quvchilar tomonidan tayyorlangan “Zakovat” intellektual o‘yini, sahnalashtirilgan teatr va sport mashg‘ulotlari bilan tanishishdi.
Navoiy viloyati Maktabgacha va maktab ta’limi boshqarmasi matbuot xizmati.
