Unda tumandagi umumta’lim maktablarining psixologlari ishtirok etib, o‘zaro tajriba almashdi.

Seminarni viloyat Maktabgacha va maktab ta’limi boshqarmasining o‘quvchilarni kasbga yo‘naltirish va psixologik xizmat shoʻba boshlig‘i S.Qo‘ziyeva ochib berdi. 

Tadbir davomida quyidagi mavzular muhokama etildi:

“Umumta’lim maktablarida psixologik xizmat samaradorligini oshirish”;
“Pedagogik jamoada sog‘lom, ijtimoiy va psixologik muhitni tashkil etish”.

Shuningdek, ishtirokchilar bilan “Birgalikda”, “Pedagogik jamoada sog‘lom muhitni shakllantirish” nomli trening mashg‘ulot o‘tkazildi. 

Seminar so‘ngida o‘tgan o‘quv yili davomida samarali faoliyat ko‘rsatgan bir guruh maktab psixologlari tuman Maktabgacha va maktab ta’limi bo‘limi tomonidan taqdirlandi.

Navoiy viloyati Maktabgacha va maktab ta’limi boshqarmasi matbuot xizmati.