Amaliy tashrif bilan Surxondaryo viloyatida bo'lib turgan Navoiy viloyati delegatsiyasi a'zolari Termiz shahrida 3,8 gektar maydonda yangidan barpo etilgan “Vatanparvarlar bog'i”da bo'lishdi.

   Bog' to'rtta – vatanparvarlik, madaniy hordiq, sport va ma'naviy ozuqa hududlariga ajratilgan bo'lib, yo'nalishlarga mos ravishda jihozlangan.  Harbiy texnika va qurol-aslahalarni namoyish etish maydoni harbiylashtirilgan to'siqlar yo'lagi, yoshlarning jismonan sog'lom bo'lishiga ko'maklashadigan “Mardlar yo'lagi”, “Vorkaut” maydoni, mustaqillik yillarida xizmat burchini bajarishda halok bo'lgan harbiy xizmatchilar xotirasiga bag'ishlab “Qahramonlar nomi barhayot” burchagi delegatsiyasi a'zolarida katta taassurot qoldirdi.

    Shuningdek, delegatsiyasi a'zolari bog' hududida yangi hunarmandchilik markazi va zamonaviy kutubxona bilan ham tanishdi.

Navoiy viloyati Maktabgacha va maktab ta'limi boshqarmasi matbuot xizmati.