Unda Maktabgacha va maktab ta’limi vazirligi rahbariyati, viloyat hokimligi, shuningdek, tizimda faoliyat olib borayotgan o‘qituvchi va faxriy ustozlar ishtirok etishdi. 

  Tadbirni Maktabgacha va maktab ta’limi vaziri o‘rinbosari Uzoqboy Begimqulov ochib berib,  tizimda erishilgan yutuqlar va istiqboldagi vazifalar haqida so‘z yuritdi hamda trening ishida barchaga omad tiladi.

  Qurultoy doirasidagi uchrashuvlarda 300 nafardan ortiq o‘qituvchi va ustozlar boshlang‘ich ta’lim, aniq fanlar, tabiiy fanlar, ona tili va adabiyot yo‘nalishlari bo‘yicha har bir tuman va shaharlardan fanlar kesimida ishtirok etdi.

    Shuningdek, ochiq muloqotda viloyat hokimi o‘rinbosari Jamshid Xodjayev, viloyat Maktabgacha va maktab ta’limi boshqarmasi boshlig‘i Ra’no Hayitovalar ham o‘z fikr-mulohazalarini bildirishdi.

Tadbir doirasida tashkil etilgan shoʻbalarda:

 xorijiy va mahalliy mutaxassislar tomonidan ilg‘or tajribalar asosida yaratilgan darsliklar majmualari asosida o‘qitish metodikalari,
o‘qish savodxonligi va ona tili fanlari doirasida 4K modelini qo‘llash, 
o‘quvchilarda XXI asr ko‘nikmalarini shakllantirish, 
loyihaga asoslangan ta’lim, mavjud muammolar va ularning yechimi bo‘yicha mahorat darslari o‘tkazildi.

 Qurultoy so‘ngida bir guruh faol, tashabbuskor, fidoyi o‘qituvchilar "Xalq ta’limi a’lochisi", shuningdek, Maktabgacha va maktab ta’limi vazirining tashakkurnomasi hamda viloyat hokimligining faxriy yorliqlari bilan taqdirlandi.

Navoiy viloyati Maktabgacha va maktab ta'limi boshqarmasi matbuot xizmati.