Yangiliklar
GʻOZGʻON SHAHRIDA 4-UMUMTA’LIM MAKTABINING OCHILISH MAROSIMI BO‘LIB O‘TDI
27-dekabr 2023-yil
Yangi ta’lim muassasasining ochilishi yaqinlashib kelayotgan Yangi yil bayrami arafasida shahar aholisi uchun munosib tuhfa bo‘ldi.
O‘quv maskanining ochilish marosimida sektor rahbarlari, nuroniylar, maktab jamoasi, keng jamoatchilik hamda OAV vakillari ishtirok etdi.
Tantanali marosimda shahar hokimi Azim Bazarov so‘zga chiqib, yangi binoda o‘quvchilarni har tomonlama bilim olishlari uchun barcha shart-sharoitlar yaratib berilganligini alohida ta’kidlab o‘tdi.
Tadbir ishtirokchilari ta’lim muassasasida o‘quvchilarning ta’lim-tarbiya olishi uchun yaratilgan shart-sharoitlar bilan yaqindan tanishishdi.
Ma’lumot o‘rnida, ushbu ta’lim muassasasida o‘quvchi-yoshlar mukammal bilim olishlari, kasb-hunar egallashlari uchun munosib shart-sharoitlar yaratilgan. Ilm dargohi bugun 184 nafar o‘g‘il-qizni o‘z bag‘riga oldi.
Navoiy viloyati Maktabgacha va maktab ta'limi boshqarmasi matbuot xizmati.
