Tashkilotning ochilish marosimida “Farovon” MFY hokim yordamchisi H.Maxmudov, viloyat Maktabgacha va maktab ta’limi boshqarmasi bo‘lim boshlig‘i O.Komilov, bosh mutaxassisi D.Hasanova, shahar Maktabgacha va maktab ta’limi bo‘limi bosh mutaxassisi N.Jumayeva hamda mahalla faollari ishtirok etdi.

  Tadbirkor Baxtiyorova Dildora tashabbusi bilan tashkil etilgan ushbu bog‘chada 20 nafar bolajon tarbiyalanmoqda. 4 nafar xotin-qiz ish bilan ta'minlandi.

   Oilaviy nodavlat maktabgacha ta’lim tashkilotining malakali mutaxassislar jamoasi, zamonaviy jihozlar bilan ta’minlangan o‘quv xonalari, yotoqxona, oshxona, o‘yin markazlari barchasi bolajonlar xizmatida. 

  Maskanda ta’lim-tarbiya jaryoni o‘zbek va rus tillarida mashg‘ulotlar “Ilk qadam” davlat dasturi asosida olib borilmoqda. Bir so‘z bilan aytganda, bolalarning har tomonlama yetuk inson bo‘lib ulg‘ayishlari uchun muassasada barcha imkoniyatlar yaratilgan.

Navoiy viloyati Maktabgacha va maktab ta’limi boshqarmasi matbuot xizmati.