Yangiliklar
“BIBTEXNIKA KARVONI” NAVOIYGA YETIB KELDI
22-yanvar 2024-yil
Umumta’lim maktablari kutubxonalari faoliyatini yanada takomillashtirish va kutubxonalarning moddiy-texnik bazasini mustahkamlash maqsadida Maktabgacha va maktab ta’limi vazirligi tomonidan tashkil etilgan "Bibtexnika" jamlanmalari ortilgan karvon viloyatimizga ham yetib keldi.
Bugun viloyat Maktabgacha va maktab ta'limi boshqarmasi boshlig‘i R. Hayitova, viloyat Bolalar kutubxonasi direktori R. Rizayevalar ishtirokida "Bibtexnika" jamlanmalari barcha tuman, shahar mas'ullariga topshirildi.
Jamlanma tarkibida quyidagilar mavjud:
jamlama kitobi,
inventar kitobi,
kundalik daftari,
kitobxon formulyari,
"cho‘ntakcha",
alifboli kartochka,
qaytaruv varaqasi,
to‘plam g‘ilofi,
kitob formulyari.
Mazkur jamlanmalar viloyatimizdagi 364 ta umumta’lim maktablari, 7 ta ixtisoslashtirilgan ta’lim muassasalari agentligi tasarrufidagi ilm dargohlari hamda Navoiy viloyat bolalar kutubxonasiga yetkazilmoqda.
Mas'ullar ishtirokida "Bibtexnika" jamlanmalaridan foydalanish bo'yicha amaliy seminar ham tashkil etildi. Unda kutubxonachilar o'zlarini qiziqtirgan savollarga javob olishdi.
Navoiy viloyati Maktabgacha va maktab ta'limi boshqarmasi matbuot xizmati.
