Yangiliklar
Agentlik fan olimpiadasining hududiy bosqichi bo'lib o'tdi
24-fevral 2024-yil
Ixtisoslashtirilgan ta’lim muassasalari agentligi tizimidagi maktablar o‘rtasida shu yilning 23-24-fevral kunlari STEM fanlari hamda qizlar o‘rtasida matematika fani bo‘yicha Agentlik fan olimpiadasining hududiy bosqichi bo‘lib o‘tdi.
Ma’lumot o‘rnida, Agentlik fan olimpiadasi viloyat bosqichida joriy yil yanvar oyida o‘tkazilgan maktab bosqichi g‘oliblari, shuningdek, 2023-2024-o‘quv yilidagi asosiy fan olimpiadalarining hududiy bosqichi g‘oliblari ishtirok etdi. Shu bilan birga 2022-2023-o‘quv yilida tegishli tartibda tasdiqlangan xalqaro va mintaqaviy olimpiada g‘oliblari ham to‘g‘ridan-to‘g‘ri ishtirok etish huquqiga ega.
Olimpiada matematika, fizika, kimyo, biologiya, informatika va axborot texnologiyalari, science fanlari bo‘yicha o‘tkazildi.
Navoiy viloyati Maktabgacha va maktab ta'limi boshqarmasi matbuot xizmati.
