Egniga oq xalat kiyib, nomi va sha’nini xuddi libosidek pokiza saqlaydigan hamshiralar biz ta'lim xodimlarining suyanchimiz, tayanchimiz desak mubolag‘a bo‘lmaydi. O‘z huzur-halovatidan kechib, o‘zgalar dardida yelib-yuguradigan, bemorlarni nafaqat dori-darmon, balki shirin kalom bilan davolayotgan sharafli kasb egalarining mashaqqatli mehnati tahsinga loyiqdir.

   Zero, hamshira deganda ko‘z o‘ngimizda qo‘li yengil, yuzi kulib turadigan va har qanday vaziyatda bemorga beminnat ko‘mak berishga tayyor malakali mutaxassis gavdalanadi.

  Ta’lim maskanlarida fidoyi bo‘lib, o‘ziga yuklatilgan vazifalarni mehr bilan amalga oshirayotgan soha vakillariga bugungi bayram muborak bo‘lsin. Barchangizga baxt-saodat, xonadoningizga fayzu baraka tilayman.

  Qo‘lingiz dard ko‘rmasin, hamisha sog‘-salomat bo‘ling, qadrli hamshiralar!

Ra’no Hayitova,
Navoiy viloyati Maktabgacha va maktab ta’limi boshqarmasi boshlig‘i.