Kutubxonaning tantanali ochilish marosimida prokuratura mas’ullari, Navoiy viloyati Maktabgacha va maktab ta’limi boshqarmasi, O‘zbekiston Jurnalistlar uyushmasi viloyat bo‘limi xodimlari hamda mahalla faollari, o‘quvchilar ishtirok etdi.

   Tadbir davomida O‘zbekiston Yozuvchilar uyushmasi viloyat bo‘limi raisi Bahriddin Sadriddinov, “Shuhrat” medali hamda “Mehnat shuhrati” ordeni sohibasi, faxriy jurnalist Salima Umarova va boshqalar so‘zga chiqib, “Besh muhim tashabbus” doirasida olib borilayotgan bunday xayrli ishlar bugungi kunda muhim masala bo‘lgan yoshlarimizning kitob o‘qish orqali har jihatdan dunyoqarashini takomillashtirish maqsadiga qaratilganligi bilan ahamiyatli ekanligini ta’kidladi.

   Marosim yakunida kutubxona fondiga 100 dan ziyod turli badiiy kitob jamlanmalari sovg‘a qilindi.
 

Navoiy viloyati Maktabgacha va maktab ta’limi boshqarmasi matbuot xizmati.