Unda boshqarma boshlig‘i o‘rinbosari, shu’ba va bo‘lim boshliqlari, hududiy Maktabgacha va maktab ta’limi bo‘limi boshliqlari hamda ta’lim muassasalari direktorlari ishtirok etmoqda.

Kun tartibidan quyidagi masalalar muhokamasi o‘rin olgan:

Ijro-intizomini holati  (oldingi apparat yig‘ilishida berilgan topshiriqlar ijrosi, jismoniy va yuridik shaxslarning murojaatlarini belgilangan muddatlarda o‘rganilishi, edo.gov.uz platformasidagi nazoratdagi hujjatlar ijrosi);

Davlat maktabgacha ta’lim tashkilotlarida tarbiyalanuvchilarga yaratilgan shart-sharoitlar, ularni sifatli ovqatlantirilishi bo‘yicha olib borilayotgan ishlarni o‘rganish natijalari;

Davlat maktabgacha ta’lim tashkilotlarida tarbiyalanuvchilarning elektron davomati;

 Joriy yil iyun oyida “Yoshlar oyligi”ni o‘tkazish, uning doirasida “Yangi O‘zbekiston yoshlari, birlashaylik!” shiori ostida ma’naviy-ma’rifiy va sport tadbirlari, yoshlar festivallari va forumlarini tashkil etish;

2023-2024 o‘quv yilida umumiy o‘rta ta’lim maktablarida bilimni baholashning yangi tartibi bo‘yicha o‘tkazilgan tajriba-sinov natijalari tahlili, umumiy o‘rta ta’lim maktablariga 2024-2025 o‘quv yilida 1-sinflar qabulini tashkil etish, bitiruvchilar bandligini ta’minlash, kutubxonalar fondini xatlovdan o‘tkazish kabi masalalar  muhokama etiladi.

Navoiy viloyati Maktabgacha va maktab ta'limi boshqarmasi matbuot xizmati.