Yangiliklar
QIZILTEPADA RAHBAR VA YOSHLAR UCHRASHUVI O‘TKAZILDI
21-iyun 2024-yil
Mamlakatimiz bo‘ylab davom etayotgan "Yoshlar oyligi" doirasida Qiziltepa tumani hokimi B. Bobomurodov, viloyat prokurori o‘rinbosari R. Zayniyev va viloyat hokimi o‘rinbosari M. Mamadiyarova ishtirokida bir guruh yoshlar va bitiruvchilar bilan ochiq muloqot tarzidagi uchrashuvi o‘tkazildi.
Uchrashuv avvalida rahbarlar yoshlarni yaqinlashib kelayotgan yoshlar kuni bilan, bitiruvchilarni esa maktabni tugatganliklari bilan tabriklab, ularga katta hayotdagi yo‘llarida omad va zafarlar tilashdi. Bitiruvchi yoshlarning tumanimiz kelajagi uchun muhim ahamiyat kasb etishlarini alohida ta’kidladi.
Shundan so‘ng maktabni oltin va kumush medallar bilan yakunlagan o‘quvchilarga rahbarlar ishtirokida medallar topshirildi.
Ma’lumot uchun: joriy o‘quv yilida tumandagi maktablarni jami 56 nafar bitiruvchi medallar bilan yakunladi. Shundan 53 nafar bitiruvchi oltin medal bilan, yana 3 nafari kumush medal bilan bitirdi.
O‘quvchilari eng ko‘p medal olgan maktablar:
- 1-maktab, 4-IDUM, 27-maktab, 39-AFCHO‘IMI (5 tadan oltin medal) va 21-maktab (3 ta oltin, 2 ta kumush medal).
Navoiy viloyati Maktabgacha va maktab ta'limi boshqarmasi matbuot xizmati.
