O‘quvchimiz oliy ta’lim muassasasi talabasi bo‘lish uchun avgust oyida o‘tkaziladigan davlat imtihonlarini kutib o‘tirmasdan 189 ball to‘plab bo‘ldi.

U 10-sinfda o‘qiyotgan paytida ingliz tili va biologiya fanlaridan, joriy yilda esa ona tili va adabiyoti, tarix,  kimyo va matematika fanlaridan milliy sertifikatlarga ega bo‘ldi.

Ma’lumki, Vazirlar Mahkamasining 646-son qaroriga muvofiq umumta’lim fanlaridan A+, A darajali milliy sertifikatga ega bo‘lgan abituriyentga ushbu fandan maksimal ball, B+, B, C+, C darajali milliy sertifikatlarga ega bo‘lgan abituriyentga esa tegishli majburiy fanlar bo‘yicha belgilangan eng yuqori ball beriladi.

Munavvara maktabni bitirib, tibbiyot oliy o‘quv yurtiga hujjatlarini topshirishni rejalashtirgan. 

Bu yutuq bilan Munavvarani samimiy tabriklaymiz!

Navoiy viloyati Maktabgacha va maktab ta'limi boshqarmasi matbuot xizmati