Yangiliklar
E’TIBOR, E’ZOZ, EHTIROM
27-dekabr 2024-yil
E’TIBOR, E’ZOZ, EHTIROM
Bugun Navoiy viloyat Ma’naviyat va ma’rifat markazida viloyat hokimligi, viloyat Maktabgacha va maktab ta’limi boshqarmasi, Respublika Ma’naviyat va ma’rifat markazi viloyat bo‘limi hamda hamkor tashkilotlar bilan birgalikda ”Yangi yil bayrami” munosabati bilan ta’lim muassasalarida faoliyat olib borayotgan tozalik farishtalari uchun ”E’tibor, e’zoz, ehtirom!” nomli ma’naviy-ma’rifiy va madaniy tadbir bo‘lib o‘tdi.
Tadbirni viloyat hokimi o‘rinbosari J.Xodjayev kirish so‘zi bilan ochib berdi. Tadbirda so‘z olganlar soha fidoiylari - tozalik posbonlarining sha'niga, ularning mashaqqatli mehnatlariga tahsin aytishdi.
Shundan so‘ng, soha xodimlari tashkilotchilarning tashakkurnoma hamda esdalik sovg‘alari bilan taqdirlanishdi.
Tadbirda yangragan kuy-qo‘shiqlar barchaga birdek quvonch ulashdi.
Navoiy viloyati Maktabgacha va maktab ta’limi boshqarmasi matbuot xizmati
