Qadrli Vatanimiz himoyachilari!

          Yurt posbonlari!

     Sizlarni mamlakatimiz tarixidagi unutilmas va qutlug‘ sana bo‘lgan 14-yanvar Vatan himoyachilari kuni hamda O‘zbekiston Respublikasi Qurolli Kuchlari tashkil topganligining 33 yilligi bilan samimiy muborakbod etaman.

Bugun Vatan himoyachisi bo‘lish, har bir yigit uchun nafaqat konstitutsiyaviy burch, balki chinakam orzu, shon-sharafdir.

Har birimiz, yurtimiz sarhadlarini ko‘z qorachig‘idek himoya qilayotgan, hayotimiz osudaligi, osmonimiz musaffoligi, oilalarimizning tinch va farovonligini ta’minlayotgan fidoyi, mard va jasur o‘g‘lonlarimiz bilan har qancha faxrlansak arziydi.

Ayniqsa, unib kelayotgan yosh avlodni harbiy-vatanparvarlik ruhida tarbiyalashga qo‘shayotgan munosib hissangiz har qancha e’tirofga loyiqdir.

Aziz yurt posbonlari! Fursatdan foydalanib, sizlarga mustahkam sog‘lik, kuch-g‘ayrat, oilalaringizga  baxt-saodat tilayman.

Bayramingiz muborak bo‘lsin!

Ra’no Hayitova,

Navoiy viloyati Maktabgacha va maktab ta’limi boshqarmasi boshlig‘i.