Seminarda Maktabgacha va maktab ta’limi vazirining maslahatchisi Ulug‘bek Toshkenboyev rahbarligidagi tegishli mas’ullar, viloyat hokimligi mas’ul xodimi Dilshod Egamov, viloyat Maktabgacha va maktab ta’limi boshqarmasi boshlig‘i Ra’no Hayitova, viloyat Pedagogik mahorat markazi mas’ullari, tuman, shahar maktabgacha va maktab ta’limi bo‘limlari boshliqlari, umumta’lim maktablari direktorlari va direktor o‘rinbosarlari ishtirok etdi.

✔️Dastavval Ulug‘bek Toshkenboyev ta’lim sifatini yangi bosqichga olib chiqish, KRK va KRS tashkil etilishi bo'yicha viloyatda amalga oshirilgan ishlar hamda belgilangan vazifalar to‘g‘risida batafsil to‘xtalib o‘tdi. 

✔️Xususan, umumta’lim maktablarida “Kasbiy rivojlantirish kuni” va “Kasbiy rivojlantirish soati” tadbirlarining tashkil etilishi tizim o‘qituvchilariga zamon bilan hamnafas bo‘lib, yangi ta’lim strategiyalari, pedagogik texnologiyalar bilan tanishib borish, o‘z ustida ishlash, orttirilgan ko‘nikmalar orqali o‘quvchilar bilimlarini oshirishiga xizmat qilishi ta’kidlandi.  

Keyingi navbatda ishtirokchilar tomonidan mavzu doirasida o‘zlarini qiziqtirgan savollariga mas’ullardan batafsil javob oldilar.

Navoiy viloyati Maktabgacha va maktab ta’limi boshqarmasi matbuot xizmati