Yangiliklar
Xatirchilik yoshlar bilan ijodiy uchrashuv bo‘lib o‘tdi
17-fevral 2025-yil
O‘zbekiston Jurnalistlar uyushmasi raisi v.b. Xolmurod Salimov, Uyushmaning Navoiy viloyati bo‘limi raisi Otabek Aslonov, Navoiy viloyati hokimligining “Do‘stlik bayrog‘i” va “Znamya drujbi” gazetalari tahririyati bosh muharriri Boboqand Umarov hamda bir guruh OAV vakillari Xatirchi tumanidagi 27-maktabda buyuk shoir va mutafakkir bobolarimiz Alisher Navoiy hamda Zahiriddin Muhammad Bobur tavalludi munosabati tashkil etilgan maʼnaviy-maʼrifiy tadbirda ishtirok etdi.
Tadbirda dastlab 27-maktab o‘quvchilari tomonidan badiiy dastur, Navoiy va Bobur asarlari asosida tayyorlangan sahna ko‘rinishlari namoyish etildi, g‘azallardan namunalar o‘qildi.
Maktab jamoasi bilan bo‘lgan samimiy muloqot jarayonida so‘zga chiqqan Uyushma aʼzolari – Otabek Aslonov va Boboqand Umarov mamlakatimizda yoshlar maʼnaviyatini yuksaltirishda hazrat Navoiy va Boburdek ulug‘ shoirlar, shuningdek, adabiyotimiz namoyandalari ijodini o‘rganish muhimligi haqida so‘z yuritdi. Shoir Boboqand Mirzo yurtga sadoqat, ota-onaga mehr-muhabbat tuyg‘ularini ifoda etuvchi sheʼrlaridan o‘qib berdi, o‘zi muallifligidagi kitoblardan maktabga tuhfa qildi.
Maʼnaviy tadbir doirasida Uyushma raisi v.b. X. Salimov o‘zi o‘qigan ushbu maktab kutubxonasiga o‘qituvchi va o‘quvchilarni birdek qiziqtiradigan 500 donaga yaqin kitoblar sovg‘a qildi.
Navoiy viloyati Maktabgacha va maktab ta’limi boshqarmasi matbuot xizmati
