Yangiliklar
SAYYOR QABUL - MUAMMOLARGA MAQBUL YECHIM!
21-fevral 2025-yil
Ayni kunlarda Navoiy viloyatida Respublika ishchi guruhi, viloyat hokimligi, sektor rahbarlarining hududlarni birlashtirgan kompleks tartibida sayyor qabullari tashkil etilmoqda.
Navoiy shahridagi Ma’naviyat va ma’rifat markazida Navoiy shahri, Karmana hamda Qiziltepa tumanlari fuqarolari uchun tashkil etilgan ommaviy qabulda Maktabgacha va maktab ta’limi vaziri o‘rinbosari Temur Komilov fuqarolar murojaatlarini tingladi.
Unda fuqarolarning o‘quvchilarni bir maktabdan boshqasiga ko‘chirish, ishga qabul qilish, mehnat munosabatlari va ish haqi, maktabgacha ta’lim tashkilotlarida sog‘lom ovqatlantirishni tashkil etish hamda sohaga tegishli boshqa masalalarga doir murojaatlari o‘rganildi.
Qabul davomida fuqarolar tomonidan yo‘llangan o‘ndan ortiq murojaatlarning salmoqli qismi ijobiy yechim topgan bo‘lsa, muddat talab etiladigan muammolar mas’ullar tomonidan nazoratga olindi.
Navoiy viloyati Maktabgacha va maktab ta’limi boshqarmasi matbuot xizmati
