Yangiliklar
“Siz ekologiyaga oid qonunlarni bilasizmi?” respublika ko‘rik-tanlovining Navoiy viloyat bosqichi o‘tkazildi
25-fevral 2025-yil
Jamiyatda yoshlarning ekologiyaga oid huquqiy ongi va huquqiy madaniyatini yuksaltirib borish, qonun ustuvorligini ta’minlash va qonuniylikni mustahkamlash, shuningdek, yoshlarni O‘zbekiston Respublikasi Konstitutsiyasi va boshqa qonun hujjatlariga hurmat ruhida tarbiyalash, qonun buzilishi holatlariga murosasizlik hisini uyg‘otish maqsadida viloyatimizning barcha umumta’lim maktablarining yuqori sinf o‘quvchilari o‘rtasida “Siz ekologiyaga oid qonunlarni bilasizmi?” respublika ko‘rik-tanlovining viloyat bosqichi o‘tkazildi.
Respublika ko‘rik-tanlovining viloyat bosqichi yakuniy natijalariga ko‘ra, faxrli !-o'rinni Navoiy shahar 11-maktabning "Beruniy" jamoasi qo'lga kiritgan bo'lsa, 2-o'rinni Karmana tumani 25-maktabning “Tabiatshunoslik” jamoasi, 3-o'rinni esa Konimex tumani 23-maktabning "Eko layf" jamoasi egalladi.
Gʻoliblikni qo‘lga kiritgan jamoalarga diplom hamda qimmatbaho sovg‘alar topshirildi.
Birinchi o‘rinni qo‘lga kiritgan Navoiy shahar 11- maktabning "Beruniy" jamoasi 10-12 mart kunlari Samarqand shahrida bo‘lib o‘tadigan tanlovning respublika bosqichida ishtirok etadi.
Navoiy viloyati Maktabgacha va maktab ta’limi boshqarmasi matbuot xizmati
