Yangiliklar
“IXTIROCHILIKKA QADAM” TANLOVINING NAVOIY VILOYATI HUDUDIY BOSQICHI YAKUNLANDI
3-mart 2025-yil
Maktabgacha va maktab ta’limi vazirligi tizimidagi umumiy o‘rta ta’lim muassasalari, Prezident, ijod, ixtisoslashtirilgan maktablar, davlat va nodavlat umumta’lim maktablarining 5-11-sinf o‘quvchilari o‘rtasida "Ixtirochilikka qadam" respublika tanlovining hududiy bosqichlari joriy yilning 28-fevral hamda 1-mart kunlari Respublikamiz bo‘ylab tashkil etildi.
Tanlovning Navoiy viloyati hududiy bosqichi yakuniy natijalariga ko‘ra, faxrli 1-o‘rinni Qiziltepa tumani Ixtisoslashtirilgan maktabi o‘quvchisi Sardor Xudoyberdiyev egallagan bo‘lsa, Navoiy shahridagi 4-maktab o‘quvchisi Humoyun Xurmatullayev 2-o‘rinni, Uchquduq tumani 20-maktab o‘quvchisi Rustam Hasanov 3-o‘rinni qo‘lga kiritdi.
Gʻoliblikni qo‘lga kiritgan o‘quvchilar viloyat Maktabgacha va maktab ta’limi boshqarmasining diplom hamda qimmatbaho sovg‘alari bilan munosib taqdirlandi.
Navoiy viloyati Maktabgacha va maktab ta’limi boshqarmasi matbuot xizmati
