Yangiliklar
Navoiyda “Kichik mutafakkirlar” tanlovining hududiy bosqich g‘oliblari aniqlandi
5-mart 2025-yil
Yosh avlodni milliy adabiyotimiz va tariximizga qiziqtirish, ularga mutafakkirlarning hayoti va ijodini o‘rganish orqali bilimlarini oshirish, milliy va umuminsoniy qadriyatlarni yoshlar ongiga singdirish orqali ma’rifatli va ma’naviyatli yetuk shaxslarni tarbiyalash maqsadida hududlar bo‘ylab Alisher Navoiy va Zahiriddin Muhammad Bobur ijodiy merosini chuqur o‘rganishga qaratilgan “Kichik mutafakkirlar” respublika tanlovi bo‘lib o‘tmoqda.
Kuni kecha, tanlovning Navoiy viloyat bosqichi tashkil etilib, unda 11 ta tuman-shahardan tashrif buyurgan jamoalar 4 ta shart asosida bellashdi.
Tanlov yakuniga ko‘ra, 5-7 sinf o‘quvchilari o‘rtasida g‘oliblikni Zarafshon shahar jamoasi qo‘lga kiritgan bo‘lsa, 8-11 sinf o‘quvchilari o‘rtasida Navoiy shahar jamoasi 1-o‘ringa sazovor bo‘ldi.
Navoiy viloyati Maktabgacha va maktab ta’limi boshqarmasi matbuot xizmati
