Yangiliklar
"Turon" maktab teatri tanlovining Navoiy viloyati bosqichi bo'lib o'tdi
20-mart 2025-yil
O‘zbekiston Respublikasi Prezidentining “Umumiy o‘rta ta’lim maktablarida musiqa madaniyati fani o‘qitilishini tubdan takomillashtirish hamda ushbu fan o‘qituvchilarining kasbiy faoliyatini rivojlantirish chora-tadbirlari to‘g‘risida”gi 2024-yil 15-noyabrdagi PQ-391-son hamda “Teatrlarning jamiyat madaniy hayotidagi ahamiyatini oshirish va ular faoliyatini yanada qo‘llab-quvvatlash chora-tadbirlari to‘g‘risida” 2024-yil 22-noyabrdagi PQ-399-son qarorlarida belgilangan vazifalar ijrosini ta’minlash, umumiy o‘rta ta’lim maktablari o‘quvchilari o‘rtasida teatr san’ati va madaniyatini keng targ‘ib qilish hamda ularni teatr san’atiga oid qiziqishlarini yanada oshirish maqsadida “Turon” maktab teatri respublika tanlovining viloyat bosqichi joriy yilning 19-mart kuni Navoiy shahridagi “Qo‘g‘irchoq teatri”da o‘tkazildi.
“Turon” maktab teatri respublika tanlovida ishtirok etish uchun viloyatimizdagi 367 ta umumiy o‘rta ta’lim maktablaridan qatnashish uchun 1 252 nafar maktab jamoalari onlayn ro‘yxatdan o‘tdi. Bir jamoa 8 nafar ishtirokchidan iborat bo‘lib, umumiy ro‘yxatdan o‘tgan o‘quvchilar soni 10 016 nafar o‘quvchilarni tashkil etdi.
Ushbu jamoalar joriy yilning 24-28 fevral kunlari tanlovining 1-bosqichi tuman (shahar) bosqichlarida ishtirok etishdi. Tanlovining tuman (shahar) bosqichlarida g‘oliblikni qo‘lga kiritga 11 nafar jamoa (88 nafar ishtirokchi) viloyat bosqichida ishtirok etib, respublika bosqichi yo‘llanmasi uchun bellashdilar.
Bugungi tanlovda ikkita shart asosida tashkil etiladi.
Birinchi shart.
“Bizning maktab” sharti.
Ushbu shartda ishtirokchi jamoalar 3 daqiqa davomida tahsil olayotgan maktabining erishgan yutuqlarini badiiy, musiqiy hamda sahna ko‘rinishi orqali tanishtiradi. Chiqishda ko‘rgazmali vositalardan foydalanishga ruxsat beriladi. Shartda ishtirokchi jamoalarning nomi, shiori, atributlariga alohida e’tiborq qaratiladi.
Shuningdek, jamoa 2 daqiqa vaqt mobaynida 5 ta savollarga javob berishlari kerak bo‘ladi. Jamoalarga savolga javob berish uchun 1 daqiqa, o‘ylash uchun 1 daqiqa vaqt beriladi.
Ikkinchi shart.
“Teatr - ibratxona” sahna spektakli sharti.
Bu shartda ishtirokchi jamoalar milliy va umuminsoniy qadriyatlar, urf-odat va an’analarimizga zid bo‘lmagan, tarbiyaviy ahamiyatga ega bo‘lgan asarlaridan birini tanlab, sahna spektaklini namoyish etadilar. Shart uchun jamoaga
15 daqiqagacha vaqt ajratiladi.
Jamoalarning ijodiy chiqishlari qur’a tashlash yo‘li bilan aniqlanadi.
Yakuniy natijalarga ko‘ra, Zarafshon shahar 2-maktab o‘quvchilardan tarkib topgan “Chig‘atoy gurungi” jamoasi faxrli 1-o‘rinni egallab, respublika bosqichiga yo‘llanmani qo‘lga kiritgan bo‘lsa, Navoiy shahri 16-maktabning “Artist” jamoasi 2-o‘rinni, Karmana tumanidan ishtirok etgan 3-maktabning“Shukur Burhonov izdoshlari” jamoasi faxrli 3-o‘rinni egalladi.
Barcha jamoalar viloyat Maktabgacha va maktab ta’limi boshqarmasining diplom hamda qimmatbaho sovg‘alari bilan taqdirlanishdi.
