Mazkur ishlarning uzviy davomi sifatida Respublikamiz bo‘ylab eng bilimdon yoshlar o‘rtasida Respublikamiz bo‘ylab Asosiy olimpiadaning IV (respublika) bosqichi tashkil etildi.

An'anaviy tarzda o‘tkaziladigan ushbu olimpiadaning Respublika bosqichi joriy yilda quyidagi hududlarda o‘tkazildi:

✅ Qoraqalpog‘iston Respublikasi (24-27 mart) – Fizika, Kimyo, Biologiya,

✅ Navoiy viloyati (24-27 mart) – Ona tili va adabiyot, Geografiya, Tojik tili, Qozoq tili, Qoraqalpoq tili

✅ Surxondaryo viloyati (24-27 mart) – Tarix, Davlat va huquq asoslari, O‘zbek tili (Davlat tili), Rus tili va adabiyoti

✅ Andijon viloyati (24-26 mart) – Ingliz tili, Nemis tili, Fransuz tili

✅ Qashqadaryo viloyati (25-28 mart) – Matematika, Informatika va axborot texnologiyalari

✅ Samarqand viloyati (24-27 mart) – Ko‘zi ojiz va zaif ko‘ruvchi o‘quvchilar uchun boʻlib oʻtdi.

Navoiy viloyatida umumta’lim maktablarining 11-sinf o‘quvchilari o‘rtasidagi asosiy fan olimpiadasining respublika bosqichi muvaffaqiyatli o‘z nihoyasiga yetdi. Ikki kun davomida o‘z bilim va iqtidorlarini namoyon etgan yoshlar orasidan g‘olib va sovrindorlar aniqlandi. 
Navoiy shahridagi "Mumtoz" bazmlar maskanida tashkil etilgan taqdirlash marosimida Maktabgacha va maktab ta’limi vaziri o‘rinbosari T.Komilov, viloyat hokimi o‘rinbosari J.Xodjayev, boshqarma boshlig‘i R.Hayitova hamda Respublika Fan olimpiadalari markazi mas’ul xodimlari ishtirok etishdi.

Marosimda faxrli o‘rinlarni qo‘lga kiritgan o‘quvchilarga diplom, pul mukofotlari, qimmatbaho sovg‘alar tantanali topshirildi. Shuningdek, hakamlar hay’ati a’zolari va olimpiada tashabbuskorlariga tashakkurnomalar topshirildi.

Keyingi navbatda, olimpiada ishtirokchilariga dasturxon tuzatilib, bayram dasturi tashkil etildi.

Navoiy viloyati Maktabgacha va maktab ta’limi boshqarmasi matbuot xizmati