Bugun Konimex tumanida "Ilk rivojlanish markazi" ochilish marosimi bo‘lib o‘tdi. Marosimda tuman hokimi Ruslan Ro‘ziyev, viloyat Maktabgacha va maktab ta’limi boshqarmasi boshlig‘i Ra’no Hayitova, IHMA viloyat boshqamasi mas’ul xodimi L.Obloqulovlar ishtirok etib, markazning ahamiyati, tarbiyalanuvchilar uchun yaratilayotgan imkoniyatlar haqida so‘z yuritdi.

Mazkur markazlarni tashkil etishdan ko‘zlangan asosiy maqsad — maktabgacha ta’lim bilan qamrab olinmagan bolalar uchun teng imkoniyatlar yaratish, ularning jamiyatga moslashuvi va ta’limga tayyorligini ta’minlash, yosh va individual ehtiyojlarini inobatga olgan holda har tomonlama rivojlanishiga sharoit yaratishdan iborat.

Navoiy viloyati Maktabgacha va maktab ta’limi boshqarmasi matbuot xizmati