Tadbir ochilishida so‘zga chiqqan boshqarma boshlig‘i o‘rinbosari Zafar Niyazov bugungi seminar mavzusining dolzarbligiga alohida to‘xtalib, maktabgacha ta’lim tizimida bolalarning psixoemotsional holatini qo‘llab-quvvatlashda tarbiyachilar va psixologlarning mas’uliyati muhim ekanini ta’kidladi.

Uning qayd etishicha, seminar ishtirokchilarining har biri o‘ziga xos bilim va tajribaga ega bo‘lib, bunday uchrashuvlar davomida bildiriladigan fikr va takliflar ta’lim tizimini yanada takomillashtirishga xizmat qiladi.

Mazkur oʻquv-seminar maktabgacha ta’lim tashkilotlarida sog‘lom psixoemotsional muhitni shakllantirish, bolalarning shaxs sifatida kamol topishiga xizmat qiluvchi zamonaviy yondashuvlarni amaliyotga keng joriy etishga qaratilgani bilan ahamiyatlidir.

Navoiy viloyati Maktabgacha va maktab ta’limi boshqarmasi matbuot xizmati