Xatirchi tuman Xalq ta’limi bo‘limida kadrlar bo‘yicha inspektor-metodisti Mamatova Dildora Yuldoshevna O‘zbekiston Respublikasi Prezidentining 2022-yil 21-dekabrdagi  “Yangi O‘zbekiston ma’muriy islohotlarni amalga oshirish chora-tadbirlari to‘g‘risida” PF-269-son, 2023-yil 25-yanvardagi PF-14-son “Respublika ijro etuvchi hokimiyat organlari faoliyatini samarali yo‘lga qo‘yishga doir birinchi navbatdagi tashkiliy chora-tadbirlari to‘g‘risida” Farmonlari, O‘zbekiston Respublikasi Maktabgacha va maktab ta’limi vazirining 2023-yil 27-yanvardagi 2-XDFU-sonli, viloyat Xalq ta’limi boshqarmasining 2023-yil 7-fevraldagi №63-kb-son hamda tuman Xalq ta’limi bo'limining 2023-yil 8-fevraldagi 135-5-77-XT-2023-sonli buyrug‘iga muvofiq xodimlar soni (shtati) qisqarganligi sababli, O‘zbekiston Respublikasi Mehnat kodeksining 100-moddasi 2-qismi 1-bandiga asosan, Mamatova Dildora Yuldoshevna bilan tuzilgan mehnat shartnomasi 2 (ikki) oydan so‘ng bekor qilinishi to‘g‘risida 2023-yil 8-fevraldagi 01-02-27-sonli ogohlantirish xati bilan ogohlantirilgan.

     Ogohlantirish xatida ogohlantirish muddatiga vaqtincha mehnatga qobiliyatsizlik davrlari, shuningdek, davlat va jamoat topshiriqlarini bajargan vaqtlari kirmasligi;

     Ogohlantirish muddati davrida xodim haftada bir kun o‘rtacha ish haqi saqlangan holda ishga chiqmaslikka va bu vaqtdan boshqa ish qidirish uchun foydalanishga haqliligi;

    O‘zbekiston Respublikasi Mehnat kodeksining 102-moddasiga ko‘ra xodim bilan ish beruvchi o‘rtasidagi kelishuvga binoan ushbu moddaning birinchi qismi 1-bandida nazarda tutilgan ogohlantirish uning muddatiga muvofiq keladigan pullik kompensatsiya bilan almashtirilishi mumkinligi;

    Shuningdek, O‘zbekiston Respublikasi Mehnat kodeksining 67-moddasiga muvofiq belgilangan imtiyozlardan foydalanish huquqiga egaligi ko‘rsatib o‘tilgan.

    Mamatova Dildora Yuldoshevna ogohlantirish xati davrida 2023-yilning 7-aprel kunidan 2023-yilning 22-aprel kunigacha kasallik varaqasida bo‘lganligi, ayni vaqtda Xatirchi tuman maktabgacha va maktab ta’limi bo‘limining tegishli buyrug‘i bilan joriy yilning 24-aprel kunidan 26-may kuniga qadar qo‘shimcha ta’tilda bo‘lib, Toshkent davlat iqtisodiyot universitetida sirtqi ta’limning 2-bosqichida ta’lim olayotganligi sababli u bilan mehnat shartnomasi bekor qilinmagan.

Navoiy viloyati Maktabgacha va maktab ta’limi boshqarmasi matbuot xizmati.