Ushbu qutlug‘ kun munosabati bilan barcha faxriylarimizni, aziz yurtdoshlarimizni tabriklaymiz!

     Fashizmga qarshi urushda mardonavor jang qilgan, og‘ir mashaqqat va musibatlarni boshdan kechirgan qahramonlar va xalqimiz asrlar davomida orzu qilgan erkinlik uchun o‘z jonini qurbon qilganlar xotirasi hamisha yodimizdadir. Vatanini himoya qilishda jonini fido qilgan, xalq orzu qilgan erkinlik uchun kurashgan milliy qahramonlarimizni ruhi oldida yana bir bor ta’zim aylaymiz.

       Zero, urush yillarida mardlarcha qahramonlik ko‘rsatgan faxriylarimizning yurtimiz tinchligi uchun chekkan zahmati, hayot qiyinchiliklarini biz uchun haqiqiy jasorat va fidoyilik timsolidir.

     Qadrli hamyurtlar!
   Yurtimiz tinch, osmonimiz musaffo, mustaqilligimiz abadiy bo‘lsin aziz Vatandoshlar. Diyorimizda erkin va farovon yashash baxti hammamizga hamisha nasib qilaversin!

Navoiy viloyati Maktabgacha va maktab ta’limi boshqarmasi jamoasi.