Xususan, Karmana tumanidagi 17-davlat MTT “Quyoncha” o‘rta guruh tarbiyachisi Odilova Nargiza tashabbusi bilan “Xotira mangu, qadr muqaddas” mavzusida bayram dasturi tashkil etildi. Tadbirda bolajonlar tomonidan Vatanga muhabbat, mardlik, tinchlik rishtalari singdirilgan kuy-qo‘shiqlar ijro etildi.

   Shuningdek, tarbiyalanuvchilar bayram munosabati bilan nuroniy onaxon N. Nurchayeva xonadonida ham bo‘lishdi. Onaxon suronli yillar haqida mehmonlarga gapirib berdi. Bolajonlar o‘zlari yod olgan she’rlaridan namunalar aytib berishdi.

  Bundan tashqari, bolajonlar Karmana tumanida joylashgan Motamsaro ona haykali poyiga gul qo‘yishdi. Bu yerda tarbiyalanuvchilar Vatanimiz uchun jonini fido qilgan bobolarimiz haqida ma’lumotga ega bo‘lishdi.

Navoiy viloyati Maktabgacha va maktab ta’limi boshqarmasi matbuot xizmati.