Yangiliklar
RASMIY MUNOSABAT
10-may 2023-yil
Navoiy viloyati Maktabgacha va maktab ta’limi boshqarmasi joriy yilning 6-may kuni ijtimoiy tarmoqlarda e’lon qilingan “Navoiy viloyatida yana bir bolakay bog‘cha tarbiyachisi tomonidan kaltaklangani iddao qilinayotgan murojaat keldi. Yana xususiy bog‘chalarning birida bo‘lgani aytilmoqda” sarlavhali video va fotolavha yuzasidan oldin berilgan rasmiy munosabatga qo‘shimcha ravishda quyidagilarni ma’lum qiladi.
Ushbu tarbiyachi yordamchisi S.Yu.ning xatti-harakatlarini vakolati doirasida ko‘rib chiqishlik va qonuniy qaror qabul qilishlik uchun Karmana tuman Maktabgacha va maktab ta’limi bo‘limi tomonidan 2023-yil 08-maydagi 01-130-sonli, 01-131-sonli xatlar Karmana tuman Ichki ishlar bo‘limi va Prokuraturasiga yuborildi.
Shuningdek, ish beruvchining 08.05.2023-yildagi 8-sonli buyrug‘iga ko‘ra tarbiyachi yordamchisi S.Yu. bilan tuzilgan mehnat shartnomasi belgilangan tartibda bekor qilingan.
Viloyat Maktabgacha va maktab ta’limi boshqarmasi ta’lim tashkilotlarida sodir etilayotgan turli holatlarga befarq bo‘lmagan ota-onalar hamda jamoatchilik vakillariga o‘z minnatdorchiligini bildiradi va kelgusida ham doimiy hamkorlik ishlarini olib borishga tayyor.
Navoiy viloyati Maktabgacha va maktab ta’limi boshqarmasi matbuot xizmati.
