Trening davomida ishtirokchilar o‘z-o‘zini boshqarish, emotsional intellektni rivojlantirish, professional motivatsiyani oshirish va jamoada sog‘lom psixologik muhitni shakllantirish bo‘yicha amaliy mashg‘ulotlarda qatnashmoqda. Shuningdek, ta’lim muhitida emotsional va jismoniy zo‘ravonlikning oldini olish bo‘yicha zarur ko‘nikmalar ham mustahkamlanmoqda.
“Muvozanat” treninglarida maktabgacha ta’lim tashkilotlarida faoliyat yuritayotgan 300 nafardan ortiq pedagog va psixolog ishtirok etmoqda.
Dasturdan ko‘zlangan asosiy maqsad — pedagoglarning ruhiy barqarorligini qo‘llab-quvvatlash, kasbiy salomatligini mustahkamlash va bolalar uchun sog‘lom, xavfsiz hamda ijobiy ta’lim muhitini yaratishga ko‘maklashishdan iborat.

Navoiy viloyati Maktabgacha va maktab ta’limi boshqarmasi matbuot xizmati