Murojaatda ko‘tarilgan masalalar Xatirchi tumani Kambag‘allikni qisqartirish va bandlik bo‘limi tomonidan avval ham bir necha bor o‘rganilgan. O‘rganishlar natijasida 2026-yil 27-avgust kuni o‘tkazilgan ishga qabul qilish imtihonida mehnat qonunchiligi talablari buzilmagani hamda jarayon amaldagi qonunchilik asosida tashkil etilgani haqida xulosa berilgan.

Shuningdek, murojaatchining farzandi 2026-yil 22-sentabrdan Xatirchi tumanidagi 2-sonli texnikumda tarix fani o‘qituvchisi lavozimida faoliyat yuritayotgani ma’lum bo‘ldi. Ayni paytda 22-sonli umumiy o‘rta ta’lim maktabida tarix fani o‘qituvchisi lavozimi bo‘yicha bo‘sh ish o‘rni mavjud emas.

Ma’lumot uchun: O‘zbekiston Respublikasining “Aholi bandligi to‘g‘risida”gi Qonunining 8-moddasiga muvofiq, O‘zbekiston Respublikasi Kambag‘allikni qisqartirish va bandlik vazirligi aholi bandligi sohasidagi vakolatli davlat organi hisoblanadi hamda aholi bandligi to‘g‘risidagi qonunchilik talablariga rioya etilishi ustidan nazoratni amalga oshiradi.