Yangiliklar
SPORT - SOG'LOM TURMUSH GAROVI
15-may 2023-yil
Davlatimiz rahbari tomonidan ilgari surilgan 5 ta muhim tashabbusning ikkinchi yo‘nalishi bo‘yicha Zarafshon shahar IIB boshlig‘i, 3-sektor rahbari E.Yaxyoyev tashabbusi bilan Zarafshon shahar 4- umumiy o‘rta ta’lim maktabida "Sport -sog‘lom turmush garovi " shiori ostida "Sektor kubogi" o‘tkazildi.
Unda "Shunqorlar", "Lochinlar", "Parvozlar" jamoalari velomarafon, 100 metrga yugurish va "Quvnoq startlar" shartlari bo‘yicha o‘zaro bellashdi.
Sport musobaqasida Zarafshon shahar hokimi o‘rinbosari O. Хakimov, 3-sektor rahbari E.Yaxyoyev, shahar Maktabgacha va maktab ta'limi bo‘limi boshlig‘i M.Tursunovalar ishtirok etdi.
Musobaqada birinchi o‘rinni egallagan "Lochinlar" jamoasiga "Sektor kubogi" topshirildi. Ishtirokchilar diplom va qimmatbaho sovg‘alar bilan taqdirlandi.
Shuningdek, 2022-2023-o‘quv yilida shaharda, viloyatda, qolaversa, respublika birinchiligida va xalqaro musobaqalarda sovrinli o‘rinlarni egallab, sport sohasini rivojlantirishda o‘z hissasini qo‘shib kelayotgan maktablarning sportchi yoshlari va ularning murabbiylari taqdirlandi.
Navoiy viloyati Maktabgacha va maktab ta’limi boshqarmasi matbuot xizmati.
